Díreoidh an taighde seo ar an úsáid a bhaineann múinteoirí faoi oiliúint as IS i gcláir Oideachais Tosaigh Múinteoirí (OTM) sa dá institiúid chomhpháirtíochta agus cuirfear i gcrích i dtrí chéim é:

Céim 1: Déanfar athbhreithniú litríochta ar chineálacha IS a aithint maidir le húsáidí éagsúla curaclaim IS mar a shainmhínítear iad sna 5 phríomhsmaointe a bhaineann le IS agus a úsáidtear chun tacú le forbairt na n-ábhar ar Thuras Ullmhachta IS a sheachadadh ar líne.

Céim 2: Cuirfear tús le Turas Ullmhachta IS in OTM le suirbhé chun dearcadh na múinteoirí faoi oiliúint i leith IS a thomhas roimh an ‘turas’. Cuireann míreanna an tsuirbhé leis an obair a rinne muid roimhe seo ar Ullmhacht Teicneolaíochta ón tionscadal RAP (2018) agus beidh bearta breise ann ag baint úsáid as scála Dearcadh IS. Tá an cur chuige seo ag teacht le taighde Schepman & Rodway (2022) a d’aimsigh gaol idir dearcadh IS agus bearta Ullmhachta Teicneolaíochta. Úsáidfidh na rannpháirtithe na hábhair i dTuras Ullmhachta IS chun feasacht agus tuiscint níos fearr a fhorbairt ar IS i gcoitinne agus ar an gcaoi lena húsáid chun cur leis an teagasc agus leis an bhfoghlaim atá ann cheana féin sa seomra ranga. Go hidéalach, beidh na rannpháirtithe ón gcéim sin toilteanach tabhairt faoi Chéim 3 den taighde.

Céim 3: Beidh Intleacht Shaorga Ghiniúnach (ISG) ina Córas Saorga Teagaisc do mhúinteoirí faoi oiliúint agus díreofar ar oiliúint a chur ar ábhar múinteoirí maidir le conas ChatGPT (nó ISGanna eile) a úsáid mar chórais saorga teagaisc chun cabhrú le heolas a fhorbairt agus tuiscint a fháil ar phríomhréimsí oideachais múinteoirí amhail croíthéarmaíocht, naisc chleachtas teoirice, feidhmchláir ISG a thacóidh le pleanáil mheántéarmach agus machnamh bunaithe ar ISG.