Tionscadail
Féach ar chuid de na tionscadail thíos.
Is é aidhm an tionscadail an eolaíocht, na healaíona agus na daonnachtaí a thabhairt le chéile, ag baint úsáid as Fealsúnacht do Leanaí (P4C) agus as Scéalaíocht chun meon fáis agus smaointeoireacht chriticiúil a fhorbairt. Cuirfimid eiseamláirí ar fáil a spreagfaidh uaillmhian i gcailíní trí nasc mhothúchánach a bhunú le ceannairí ban sa ríomheolaíocht agus sa chibearshlándáil.
Mhaoinigh SCoTENS taighde atá ar bun ag an Dr Rachel Farrell (Scoil an Oideachais, an Coláiste Ollscoile, Baile Átha Cliath) agus an Dr Pamel Cowan (Scoil na nEolaíochtaí Sóisialta, an Oideachais agus na hOibre Sóisialta).
Ócáid chuimsitheach oideachais ba ea Lá Foghlama Comhroinnte Cibirchéillí inar díríodh ar an gcibearshlándáil agus ar an Oideachas Saoránachta Domhanda (GCE). Reáchtáladh é i mí Aibreáin 2024 agus bhí gníomhaíochtaí tarraingteacha éagsúla ar siúl ar an lá, lena n-áirítear dúshlán Zero Days Capture the Flag, áit a raibh deis ag rannpháirtithe dul i ngleic le saincheisteanna GCE cibeardhomhanda agus fíordhomhanda.
Tá sé de phribhléid againn le dhá bhliain anuas saothar na scoláirí cumasacha a chruthaíonn scéalta digiteacha a léiriú agus a bpeirspictíochtaí uathúla a chur os bhur gcomhair. Chuir tionscnamh Scéalta Digi ar chumas múinteoirí triail a bhaint as rud éigin nua difriúil agus uathúil ina seomraí ranga agus scéal a insint.
Is comórtas domhanda é FIRST LEGO League ina bhfuil trí rannán le haghaidh aoisghrúpaí éagsúla: Féach, Foghlaim, agus Tabhair faoi. In Éirinn, tá an rannán ‘Tabhair faoi’ oscailte do pháistí i Rang 6 go dtí an Idirbhliain.
Reáchtáil Scoil an Oideachais agus Coláiste na hEolaíochta COBÁC, i gcomhar leis an tSeirbhís um Fhorbairt Ghairmiúil do Mhúinteoirí (SFGM), Lá Foghlama Comhroinnte um Chomhionannas, Chuimsiú agus Éagsúlacht in ETIM leis an téama ‘Look See What I Can Be’ Dé Céadaoin 1 Meitheamh 2022 in Ionad Eolaíochta O’Brien, COBÁC.
Is é Ciste Nuálaíochta na Seirbhíse Poiblí a mhaoiníonn na Gradaim Adventures in Cyberland mar chuid de thionscnamh na Cibear-Athléimneachta Oideachais i mBunscoileanna agus in Iar-bhunscoileanna faoi stiúir Scoil Oideachais COBÁC. Eagraíodh an comórtas mar chuid de mhí chibearshlándála an Aontais.
Thug an Lá Foghlama Dúshlánbhunaithe, a reáchtáladh i mí Dheireadh Fómhair 2023, deis do scoláirí smaoineamh ar shaincheist chriticiúil shochaíoch na cibearshlándála agus an nasc atá aici leis na Spriocanna Forbartha Inbhuanaithe. Ba é aidhm an imeachta sin scoláirí a fhorbairt; cur leis an tuiscint atá acu ar thionchar na cibearshlándála maidir le gnéithe éagsúla den saol agus an ról ríthábhachtach atá aici maidir le forbairt inbhuanaithe a bhaint amach.