Leabhair Inspioráideacha
Ríomheolaíocht agus an Chibearshlándáil
Leabhair inspioráideacha faoi mhná sa Ríomheolaíocht agus sa Chibearshlándáil
Grace Hopper
Hopper ag consól UNIVAC I, c. 1960
Ba ríomheolaí aislingeach Meiriceánach, matamaiticeoir, agus Seachaimiréal Chabhlach na Stát Aontaithe, í Grace Brewster Hopper a sháraigh bacainní agus a rinne athrú as éadan ar dhomhan na ríomhaireachta. Rugadh Hopper in 1906 agus mar thoradh ar an dúil a bhí aici sa mhatamaitic agus i réiteach fadhbanna, bhí gairm cheannródaíoch aici.
Hedy Lamarr
Hedy Lamarr, 1944
Rugadh Lamarr san Ostair in 1914 agus ba é Hedwig Eva Maria Kiesler a hainm breithe. Bhí meascán de ghalántacht agus d’ionchar ceannródaíoch eolaíochta ina saol.
Cé gur bhain sí cáil amach mar aisteoir Hollywood, ba i réimse an aireagáin a bhí fíorphaisean Lamarr. Le linn an Dara Cogadh Domhanda, chomhcheap sí córas le haghaidh abhóga minicíochta, teicneolaíocht a leag an bhunobair le haghaidh cumarsáid gan sreang nua-aimseartha amhail Wi-Fi agus Bluetooth.
Katherine Johnson
Johnson ag obair ag an mBrainse Rialaithe Spásárthaí de NASA in 1966.
Matamaiticeoir eisceachtúil Meiriceánach ba ea Johnson, a rugadh in 1918 leis an ainm breithe Creola Katherine Coleman, a raibh ról fíor-riachtanach aici i múnlú stair na taiscéalaíochta spáis. Bhí Johnson ina fostaí le NASA agus bhí saineolas aici i meicnic fhithiseach, an mhatamaitic chasta a rialaíonn gluaiseacht spásárthaí agus a bhí ríthábhachtach do mhisin luatha spáis Mheiriceá.
Kay McNulty
Kay McNulty ina portráid céime ardscoile, 1938
Léiriú ar spiorad ceannródaíoch na mban sa teicneolaíocht ba ea Kathleen “Kay” McNulty, matamaiticeoir agus ríomhchláraitheoir Éireannach. Rugadh McNulty in 1921 i sráidbhaile beag Éireannach agus is iontach an gaisce é go raibh sí ar dhuine de sheisear ríomhchláraitheoirí bunaidh ENIAC, ceann de na chéad ríomhairí digiteacha leictreonacha ar domhan.
Leabhair Inspioráideacha faoi Mhná
Tá an leabhar álainn maisithe seo lán le beathaisnéisí gníomhaithe, ceannairí, lúthchleasaithe, ealaíontóirí, taiscéalaithe agus nuálaithe ETIM. Luaitear idir mhná clúiteacha agus mhná a ligeadh i ndearmad agus iad ag tabhairt aghaidh ar bhacainní, ag dul in aghaidh a rabhthas ag súil leis agus ag sárú steiréitíopaí. Is cinnte go meallfaidh a gcuid scéalta léitheoirí óga agus go spreagfar iad mianta móra a bheith acu.
Chruthaigh Kate Pankhurst, de shliocht na sufraigéide Emmeline Pankhurst, leabhar iontach faoi mhná a d’athraigh an domhan go hiomlán.
Léigh fíricí iontacha maidir le cuid de na mná is iontaí a d’athraigh an domhan ina mairimid!
Cruthaíodh an t-imleabhar ardéilimh seo ón tionscadal foilsitheoireachta is rathúla slua-mhaoinithe agus tugtar léitheoirí ar thuras cumhachtaithe agus taispeántar léargais ar eachtraí fíorshaoil de mhná cheannródaíocha idir Elizabeth I agus Malala Yousafzai.
Is leabhar é seo ina bhfuil fíorscéalta 40 cruthaitheoir inspioráideacha ban – idir scríbhneoirí, aireagóirí, ealaíontóirí agus eolaithe – ní hamháin gur leabhar inspioráideach é ach tá sé oideachasúil freisin. Foghlaimeoidh léitheoirí faoi mhná ceannródaíocha amhail an t-ailtire réabhlóideach, Zaha Hadid, an t-aisteoir/aireagóir Hedy Lamarr, an gníomhaí comhshaoil Wangari Maathai, an péintéir nua-aimseartha agus beochantóir Mary Blair.